感謝主，讓我重新思考洗禮呢個課題，經過深思熟慮之後決定在Flow church 洗禮。幾年前其實係以前嘅教會已經想洗禮，亦都曾經報過洗禮。不過經過一輪輪與當時教會嘅長老、牧者面談之後覺得我未適合就拒絕了我嘅申請。之後社會發生咗不同嘅事情，對教會有好大嘅影響，而我自己都需要時間去消化，加上剛剛轉教會返flow church重新適應小組同教會生活，所以慢慢就將洗禮呢樣野暫時擺低咗，無去諗。
大約返咗flow church兩年，牧者再問我想唔想洗禮，我當刻就開始重新思考洗禮對我嘅意義。經過一輪思考之後我其實搵唔到一個好特別嘅原因去洗禮，但係我又無原因唔去洗禮，因為我確信自己一生唔會離開呢個信仰，亦都深深體會過上帝同在嘅經歷。我再次回想上帝如何透過身邊嘅人和事去肯定我和幫助我有力量跨過每一個困難，讓我感受到上帝嘅真實和最明白我需要的是什麼。每當我想做一啲能夠事奉上帝或者讓我同上帝更親近嘅事情時，上帝總會讓這件事情順利地進行，沒有一次被阻礙。我對上帝嘅信心就這樣逐漸增強。最後我冇再糾結喺要搵一個特別嘅意義先去洗禮，純粹係因為想回應返上帝對我嘅愛同恩典而去洗禮，同埋想再行前多步經歷這個信仰改變生命嘅可能性，讓自己成為一個更合乎祂心意嘅基督徒。
最後想分享下自己係點樣認識福音同信主。
係中一嘅時候媽媽見我成日掛住打機太宅所以帶咗我返教會，我記得第一次返教會係返崇拜，所以覺得非常之悶，好想快啲走。中一至中三呢段時間斷斷續續都有返團契同崇拜，對信仰都未有興趣。直至去到中三學期完結嘅暑假，已信主嘅表哥邀請我出席一個大型佈道活動，當中有個環節係見證分享，當時我聽完台上弟兄嘅分享之後好感動，因為當時我覺得自己嘅人生好迷惘、沒有方向，所以好想好似這位弟兄一樣被信仰去改變生命，活得更有方向和意義，於是喺呼召環節嘅時候就起身決志信主了。
感謝上帝嘅安排和帶領，讓我能夠認識到這份平安的福音，改變了我嘅生命，活得有方向和意義。無論將來嘅環境係如何，都有從神而來嘅信心繼續行落去。
見証錄音：
Kommentare